> Hangers
Dor Begriff Hangers hm... mir glabn, jeder der ins kennt, woas brum miar den Numen hobn, de ins (no) net kennen, werdn sichs nochdem si den text glesn hobm, denkn kennen, obwol mor do no ziemlich zurückholtend gschribn hom. Hauptbeschäftigung der Hangers isch af jeder Fete meiglichscht wianig Puff zu mochn und net aufzufolln. Meischtens sein miar di letschten, weils olm volle hort isch, olle zommenzuklaubn: oaner lig in Heisl, oaner hintern Pudl, an onderer af a Frau oben und der Rescht im Aschenböcher. Ondere Hobbis der Hangers sein: Sport betreiben (wenn meglich afn Playstation), bleid drinschaugn, Gartln, so long wia meglich liegn und so spet wia meglich zu kemmen. Frier hom sich die Hangers afn Skatepark getroffn, obr semm muas man nuischtens zoln, und weil si in Euro no net kennen, isch sell sowiso koan Thema.
Skateplotz Klobenstoan
Dafür hot iatz der stille Walter a morts Freid mit ins, er mocht a olm insere Liblingsgetränke: Himborsoft, Holersoft, lauworme Milch, Holermulla und Karottensoft für di (roaten) Augn. Bleidsinne hom miar viele aufgfiart, zum Glick homs bis iatz olle überleb, mindeschtens dei wos bei der Gemeinde aufscheinen. A Sturz von an 5-Meter hoachn Bam vor der Eule hot a schun oaner von ins one greasere Schäden überstondn. Der Chaffär hot wegen zu schwindliger Forweise a öfter af dor MeBo mit 120 es Kolb verworfen. Im Winter nocket hoamfoarn isch a koan Seltenheit, weil mir net ungearn insere Kripp zoagn. Am Unfong wor die Eule insere Kultbude, dernoch hobmor mit Götz im sein 9-er Bus insere Betribsausflüge ins Après-Club verleg (nehere Informationen bei MeBo-Roschtstätte). Ober seit Après nui augetun hot, sein mir nimmer innikemmen, weil inser Orsch net als Clubkartl gegolten hot.
A Donkschian mechten miar bei der Gelegenheit in Steffs-Partybude ausschprechen, wo miar ins in schturmfreie Zeitn zu gegenseitigem Meinungsaustausch getroffn hom. Sem isch schun vorkemmen, dass sich oaner in der Kotze foscht es Kreitz ogrissen het und ban Matrotzenschport a poar Federn draugongen sein (obr di Auswol mit 120 Bettn wor e gonz guat).

Organisation Horn in Flames		 Um noamol af insere sportlichn Erfolge zrugzukemmen, also do war oanmol Weltmeister im Extremscheisseredn, bei der Fraun-WM 1. Plotz im Nudelholzweitwerfn und die Hangerbräute hom net lei sel drauf, obr af di onderen Qualitetn muas jedr selber draufkemmen. Miar spiln a oanmol es Joar a Fuasbollturnier, bei den miar mit 30 % derbei sein. Inser letzschter Erfolg: lötschter Plotz, koaner woas wieso, weil miar io oanmol gewungen hom und di ondern fünf Spile wor entweder Trommelkonzert im Wold oder Wettkotzn im Klo. Ober oft wor obr a lei der Grund, weil miar ins bei der Berechnung für di Spielzüge vertun hom und di schiane groase Blumenwies oanfoch mear glockt hot, wia di Sportwiese. A groaser Grund für insere Erfolgslosigkeit isch sicher a de schlimme, schlimme Kronkheit, de wos bei di Hangers ausgebrochen isch. (Spendenkonto 0039SEX666)
In letschter Zeit isch es Reisefieber ausgebrochn und es gib koan Kontinent mear, af den di Hangers no net ir Unwesen getriebn hom. Miar winschen immene olles guate, und hoffn, dass si olle gsund zrugkemmen.
Wer woas, wenn dr erschte afn Mond auikimp, wenn a schun öfters oaner di Stearn gsegn hot.
Es gabet no viele Gschichtn zu derzeln, obr sem wern miar no vorfärten im Herbscht net fertig. Zum Glick werds mit ins net so schnell zu Ende gian, weil wenn miar a olm ölter werdn, hoast sell no long net, dass miar gscheider werdn.

Keep on rockin!!